Онц бөгөөд Бүрэн эрхт Элчин сайд Ричард Буанган Завхан аймагт ажиллаж байна
Элчин сайд Р.Буанган болон ажлын багийнхан аймгийн Онцгой байдлын газар, Нэгдсэн эмнэлэг, Хөгжим бүжгийн коллеж, зарим үйлдвэр, аж ахуйн нэгжийн үйл ажиллагаатай танилцлаа
АНУ-аас Монгол Улсад суугаа Онц бөгөөд Бүрэн эрхт Элчин сайд Ричард Буанган Завхан аймагт ажиллаж байна. Аймгийн удирдлагууд орон нутгийн нийгэм, эдийн засгийн өнөөгийн нөхцөл байдал, цаашдын хамтын ажиллагааны талаар санал солилцов. Уулзалтын үеэр аймгийн Засаг дарга Г.Өнөрбаяр, Завхан аймгийн дэд бүтэц, боловсрол, эрүүл мэнд, эдийн засгийн салбарын хөгжлийн бодлого, тэргүүлэх чиглэлүүдийг танилцуулж, АНУ-ын Энх тайвны корпусын англи хэлний сайн дурын багш нарын тоог орон нутагт нэмэгдүүлэх хүсэлт тавьжээ. Мөн АНУ-ын Засгийн газар болон олон улсын байгууллагын санхүүжилтээр Завхан аймагт хэрэгжсэн болон хэрэгжиж буй төсөл, хөтөлбөрүүдийн үр дүн, хамтын ажиллагааны талаар талууд санал солилцсон байна. Элчин сайд Р.Буанган болон ажлын багийнхан аймгийн Онцгой байдлын газар, Нэгдсэн эмнэлэг, Хөгжим бүжгийн коллеж, зарим үйлдвэр, аж ахуйн нэгжийн үйл ажиллагаатай танилцлаа.
Үзсэн: 423
Tweet