Наурыз
Казах иргэд улс орныхоо тогтвортой хөгжлийн суурийг бүрдүүлэхэд үнэтэй хувь нэмэр оруулсаар байна
Жил бүрийн гуравдугаар сарын 22-нд казах үндэстний түүх, соёлын өвөрмөц тусгал болсон хүндэтгэлт баяр Наурызыг дэлхий даяараа тэмдэглэж байна. ЮНЕСКО 2009 онд наурызыг хүн төрөлхтний биет бус соёлын өвийн жагсаалтад бүртгэж, Нэгдсэн Үндэстний Байгууллага 2010 оны Ерөнхий Ассамблейн чуулганаараа “Олон улсын наурызын өдөр”-ийг дэлхий дахинд тэмдэглэн өнгөрүүлж байхаар шийдвэрлэсэн. Монгол Улсын төр, засаг энэ өдрийг казах түмний өв соёлыг хадгалан хөгжүүлэх, түгээн дэлгэрүүлэх, хүндэтгэн эрхэмлэх, үйл бүтээлээ дүгнэн цэгнэх, хөгжил дэвшлийн ирээдүйг угтан тодорхойлох утгаар тэмдэглэсээр ирсэн билээ. Манай казах иргэдийн дийлэнх олонх нь оршин амьдардаг Баян-Өлгий аймагт 10 мянга гаруй казах иргэн улс орныхоо тогтвортой хөгжлийн суурийг бүрдүүлэхэд үнэтэй хувь нэмэр оруулсаар буйг УИХ-ын дарга Л.Занданшатар Наурызын баярын мэндчилгээндээ онцоллоо.
Үзсэн: 1022
Tweet