НҮБ-ын тусгай илтгэгч Монгол улсад ажиллана
Монгол Улсад ажилласан тухай тайлангаа 2020 оны 3 дугаар сард болох НҮБ-ын Хүний эрхийн зөвлөлийн ээлжит 43 дугаар чуулганд танилцуулна
Хүний эрхийг хамгаалагчийн асуудал хариуцсан НҮБ-ын тусгай илтгэгч М.Форст энэ сарын 30-наас ирэх сарын 13-нд Монгол Улсад ажиллах гэж байна. Тусгай илтгэгч Монгол Улс дахь хүний эрх хамгаалагчийн нөхцөл байдалтай газар дээр нь танилцаж зөвлөмж гаргах бөгөөд энэ хүрээнд УИХ, Засгийн газар, Захиргааны хэргийн шүүхийн удирдлагатай уулзаж Дорноговь аймгийн Улаанбадрах, Айраг суманд ажиллана. Монгол Улс хүний эрхийг хамгаалах олон улсын гэрээний хэрэгжилтийг хангах чиг үүрэгтэй тусгай илтгэгч нарт 2004 онд нээлттэй урилга хүргүүлсэн бөгөөд үүний дагуу тусгай илтгэгч нартай бүх талаар нээлттэй хамтран ажиллах хариуцлага хүлээдэг болсон. Тусгай илтгэгч Монгол Улсад ажилласан тухай тайлангаа 2020 оны 3 дугаар сард болох НҮБ-ын Хүний эрхийн зөвлөлийн ээлжит 43 дугаар чуулганд танилцуулна.
Үзсэн: 922
Tweet