“Азийн ардын урлагийн их наадам”
12 орны 200 гаруй оролцогч үндэсний хувцсаараа гоёжээ
“Азийн ардын урлагийн их наадам” Улаанбаатар хотноо болж байна. Төрийн ордны өмнөх тусгайлсан талбайд болсон наадмыг нээх ёслолд Ерөнхий сайд У.Xүрэлсүх болон гадна, дотны жуулчид, урлаг, соёлын төлөөллүүд оролцов. Малайз, БНХАУ, Япон, БНСУ, Индонез, Энэтхэг, Непал, Бангладеш, ОХУ, Буриад, Тува, Казакстан зэрэг 12 орны 200 гаруй оролцогч үндэсний хувцсаараа гоёжээ. “Сэрсэн тал” аялгуугаар наадмыг эхлүүлж, дараа нь “Жороон жороо” бүжгийг Үндэсний урлагийн их театрын бүжигчид бүжиглэв. Монголчуудын авьяас билгээр уламжлагдаж ирсэн үлгэр туулиас эхлээд уртын дуу, хөөмий, уран нугаралт, морин хуурын татлагыг олон улсын элч төлөөлөгчид алга ташилт, уухайн түрлэгтэй хүлээж авлаа.
Үзсэн: 1148
Tweet