“Үелэх системийн жил”

Densmaa 2019-10-25 11:10

Соёл уламжлал

Энэ үеэр үелэх системийн элементийг амар хялбараар цээжлэхэд нь туслах зорилгоор дуу бүтээснээ сонирхуулна

    ШУА-ийн Хими, химийн технологийн хүрээлэн ирэх амралтын өдрүүдэд Нээлттэй хаалганы өдөр зохион байгуулах гэж байна. Энэ өдрийн арга хэмжээг нэрт эрдэмтэн Д.И.Менделеевийн үелэх системийн 150 жилийн ойд зориулж байгаа ажээ. НҮБ-аас 2019 оныг “Үелэх системийн жил” болгон зарласантай холбоотойгоор тус хүрээлэнгийн эрдэмтэн, судлаачид ерөнхий боловсролын сургуулийн багш, сурагчдад үелэх систем болон химийн бодис, хог хаягдлын менежментийг сурталчлах, таниулах ажил хийх юм байна. Мөн энэ үеэр үелэх системийн элементийг амар хялбараар цээжлэхэд нь туслах зорилгоор дуу бүтээснээ сонирхуулж, хүүхдүүдэд зааж өгч, химийн сонирхолтой туршилт үзүүлэх юм.