Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 22-10-2020
mongol

Шинэ мэдээ

Монголын хамгийн том ном болно


Densmaa 2020-09-24 04:09

“Энэ жил “Монголын нууц товчоо”-ны 780 жилийн ой тохиож байна. Тиймээс Эзэн богд Чингис хааны мэндэлсэн өдөр буюу 11 дүгээр сарын 16-наас өмнө энэхүү бүтээлийг хэвлэн, нийтийн хүртээл болгох нь зүйтэй

     Монгол Улсын Их Хурлын дарга Г.Занданшатар “Монголын нууц товчоон” бүтээл туурвигч, хэл шинжлэлийн ухааны доктор, профессор Б.Сумьяабаатарыг хүлээн авч уулзлаа. “Монголын нууц товчоон” бүтээл нь профессор Б.Сумьяабаатарын нэгэн жарны бүтээл туурвил бөгөөд Нууц товчооны хөрвүүлэг, орчуулгын талаарх эртнээс эдүгээ хүртэлх арвин баялаг эх сурвалжийн ээдрээтэй асуудлыг нэг мөр болгохын зэрэгцээ шинэ нээлт, ховор баримт, бүрэн судалгааг хамруулсан цогц бүтээл болсон байна. Энэхүү ном нь А-4-ийн форматаар 2262 хуудастай, 20 см зузаан, 6.0 кг жинтэй Монголын хамгийн том ном болох аж. Номд “Монголын нууц товчоо”-ны үгийн үндсэн хэлбэр, язгуур санааг шинээр хөрвүүлж, анхны худам үсгийн хэд хэдэн хувилбаруудын эх, галигийг судалж, монгол хөрвүүлгүүдэд буй алдааг түүж гаргахын зэрэгцээ “Монголын нууц товчоо”-ны нэвтэрхий толийг багтаасан байна. “Энэ жил “Монголын нууц товчоо”-ны 780 жилийн ой тохиож байгаа. Тиймээс Эзэн богд Чингис хааны мэндэлсэн өдөр буюу 11 дүгээр сарын 16-наас өмнө энэхүү бүтээлийг хэвлэн, нийтийн хүртээл болгох нь зүйтэй” гэж үзэж байгаагаа УИХ-ын дарга Г.Занданшатар илэрхийллээ.

Үзсэн: 151

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна