“Даншиг наадам-Хүрээ цам 2022” шашин соёлын наадам болно
Цам нь гадаад дотоодын түйтгэрийг дарах, хар зүгийн лус савдаг тэргүүтнийг амирлуулах, хүмүүн бусын хорлолоос хол байлгах, дотоод түйтгэр болох хорт муу сэтгэл, нисванисыг дарах ач тустай.
Хүй долоон худагт энэ долоо хоногийн амралтын өдрүүдэд “Даншиг наадам-Хүрээ цам 2022” шашин соёлын наадам зохион байгуулах гэж байна. “Даншиг наадмыг 1639 оноос Монголд хийж эхэлсэн түүхтэй. Цам нь гадаад дотоодын түйтгэрийг дарах, хар зүгийн лус савдаг тэргүүтнийг амирлуулах, хүмүүн бусын хорлолоос хол байлгах, дотоод түйтгэр болох хорт муу сэтгэл, нисванисыг дарах ач тустай. Тиймээс сүсэгтэн олон түмэн хотлоороо ирж, ажил үйлсээ даатган, итгэл үнэмшил, урам зориг, хүсэл тэмүүллээ бадраан цогцлоох боломжтой байдаг. Наадмаар шашны зан үйлээс гадна 256 бөх барилдаж, хурдан морьдын уралдаан, сурын харваа болно. Энэ жилийн “Даншиг наадам-Хүрээ цам 2022” шашин соёлын наадмыг үзэхээр жуулчид захиалгаа өгсөн байна. Тус арга хэмжээ нь ковидын жилүүдэд хүндхэн байдалд орсон аялал жуулчлалын байгууллагуудыг дэмжих ач холбогдолтой гэлээ.
Үзсэн: 706
Tweet