“Оскар Мамены ертөнц ба Монголчууд” түүхэн гэрэл зургийн үзэсгэлэн
Норвегийн алдарт аялагч Оскар Мамен 1911 оноос эхлэн монголын нутгаар аялж, монголын ард түмний ахуй амьдралын талаар гэрэл зургийн баялаг цуглуулга бүтээжээ
Монгол Улс, Норвегийн Хаант Улсын хооронд дипломат харилцаа тогтоосны 55 жилийн ойд зориулсан “Оскар Мамены ертөнц ба Монголчууд” түүхэн гэрэл зургийн үзэсгэлэнгийн нээлт Чингис Хаан музейд болов. Норвегийн алдарт аялагч Оскар Мамен 1911 оноос эхлэн монголын нутгаар аялж, монголын ард түмний ахуй амьдралын заншил, соёлын талаар тэмдэглэл хөтөлж, өөрийн авсан гэрэл зургийн баялаг цуглуулга бүтээсэн нь одоо “Норвегийн соёлын түүхийн музей”-д хадгалагдаж байгаа юм. Тэдгээр гэрэл зургийн бүтээлийг энэхүү үзэсгэлэнд дэлгэн танилцуулж байна. Үзэсгэлэнг Монгол Улсын Гадаад харилцааны яам, Норвегийн Хаант Улсын Элчин сайдын яам, “Норвегийн соёлын түүхийн музей”, “Чингис Хаан” музей, Шинжлэх Ухааны Академийн Олон улс судлалын хүрээлэн зэрэг байгууллагууд хамтран зохион байгуулж байна. Монгол, Норвег улсууд ардчилал, хүний эрх, хууль дээдлэх ёсыг эрхэмлэх нийтлэг үнэт зүйлст тулгуурласан уламжлалт, найрсаг харилцаатай. Өнгөрсөн 55 жилийн хугацаанд Монгол, Норвегийн харилцаа, хамтын ажиллагаа эдийн засаг, худалдаа, хөдөө аж ахуй, уул уурхай, соёл, спорт, аялал жуулчлал зэрэг олон салбарт өргөжин хөгжиж байна.
Үзсэн: 457
Tweet