“Алтаргана-2024” их наадам Булган аймагт болно
Буриад түмний соёлын өв уламжлал, зан заншлыг хадгалж, өвлүүлэн уламжлуулах “Алтаргана-2024” их наадам ирэх 7 дугаар сарын 26-28-нд Булган аймагт болно.
Наадамд дэлхий даяар тархан суурьшсан 50 мянга гаруй буриадууд ирж оролцоно гэж төлөвлөж байгаа аж. Алтаргана наадмыг анх Хэнтий аймгийн Дадал суманд 1994 онд “Буриад дууны уралдаан” нэртэй эхлүүлснээс хойш өдгөө олон улсыг хамарсан ардын урлаг, уламжлалт зан заншлын баяр болгон 15 дахь удаагаа зохион байгуулах гэж байгаа нь энэ юм.
Үзсэн: 642
Tweet