"Айрагны баяр - Адууны баяр" Булган аймагт боллоо
Энэ баяраар адуун соёл, нүүдэлчин ахуйгаа сурталчлан таниулахаас гадна малчдын айраг цагаан идээгээ борлуулах, ашиг орлогыг дэмжих томоохон ажлын нэг болдгоороо ихээхэн онцлогтой юм
Юнескогийн Хүн төрөлхтний соёлын биет бус өвд Монгол улсаа төлөөлөн бүртгэгдсэн Хөхүүрийн айрагны соёлын хамгийн том баяр болох "Айрагны баяр - Адууны баяр" фестивал Булган аймгийн Хутаг-Өндөр суманд боллоо. Тус эвентийг 2008 онд анх санаачилж байсан юм. Гадаад, дотоодын аялагч жуулчдын сонирхлыг татаж, жил бүр өргөжин тэлж байгаа энэ баяраар адуун соёл, нүүдэлчин ахуйгаа сурталчлан таниулахаас гадна малчдын айраг цагаан идээгээ борлуулах, ашиг орлогыг дэмжих томоохон ажлын нэг болдгоороо ихээхэн онцлогтой юм.