“Монгол хаан” жүжгийн төслийн баг Япон Улсын Токио хотноо
Японы мэргэжлийн сумогийн 69 дэх их аварга, Монгол Улсын Хөдөлмөрийн баатар, гавьяат тамирчин М.Даваажаргал “Монгол Хаан” жүжгийн Япон улс дахь соёлын элч төлөөлөгч болсныг албан ёсоор зарлалаа
“Монгол хаан” жүжгийн төслийн баг Япон Улсын Токио хотноо хэвлэлийн бага хурал хийж, Японы мэргэжлийн сумогийн 69 дэх их аварга, Монгол Улсын Хөдөлмөрийн баатар, гавьяат тамирчин М.Даваажаргал “Монгол Хаан” жүжгийн Япон улс дахь соёлын элч төлөөлөгч болсныг албан ёсоор зарлалаа. 1000 жилийн түүхтэй Японы үндэсний сумо бөхөд 30-аас дээш түрүүлсэн 2 аварга байдаг бол 1187 даваа авч 45 удаа түрүүлж Японы Эзэн хааны цомыг авсан цор ганц бөх нь "Хакухо" М.Даваажаргал юм. Тэрээр “Монгол хаан” жүжгийн соёлын элчийн хувьд Монгол сумочид хоёр улсыг холбох гүүр болж байсан бол уг жүжиг тэрхүү гүүрт соёлын тулгуур нэмж байгаад баяртай байгааг илэрхийлээд 2025 оны сумогийн Аки, Кюшү баше хоёрын дундуур 10-р сард Токио болон Нагояа хотноо тоглох гэж буйг онцоллоо. Өмнөх жилүүдэд Монгол, Их Британи, Сингапурын дэлхийн тайзнаа тоглогдож, мэргэжлийн шүүмжлэгчид, үзэгчдээс өндөр үнэлгээ авсан, Монгол Улсын Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн, яруу найрагч Бавуугийн Лхагвасүрэнгийн “Тамгагүй Төр” буюу “Монгол хаан” жүжиг нь 124 сая хүн амтай, Азийн тэргүүлэх зах зээл болох Японд ийнхүү нэвтэрлээ.
Үзсэн: 4046
Tweet