Энэтхэгт "Монголын өдрүүд" болж байна.
Энэтхэгт "Монголын өдрүүд" болж байна.
Монгол улсаас Энэтхэг улсад суугаа Элчин сайдын яам, Энэтхэгийн Аялал жуулчлалын корпорацитай хамтран Шинэ Дели хотноо хоёрдугаар сарын 20-28-нд "Монголын өдрүүд"-ийг зохион байгуулж байна.
“Монголын өдрүүд"-д оролцогчид Монгол, Энэтхэгийн хооронд дипломат харилцаа тогтоосны 60 жилийн ойн хүрээнд тус тусын салбар, чиглэлүүдээр Монгол улстай харилцаж байгаа талаараа мэдээлж, цаашид хэрэгжүүлэхээр төлөвлөж буй ажлуудаа танилцуулж санал бодлоо солилцжээ.
Мөн үндэсний дуу бүжгийн “Түмэн эх” чуулгынхан тоглолтоо сонирхуулсан байна. Монгол орон, монгол үндэсний соёл, хоолны урлагийг Энэтхэгийн олон нийтэд таниулан сурталчлах энэхүү арга хэмжээ нь Монгол улсын тухай гэрэл зургийн болон гар урлалын бэсрэг үзэсгэлэн, ардын урлагийн тоглолт бүхий цогц үйл ажиллагаа болсон байна.
Үзсэн: 1022
Tweet