Новосибирск хотын захирагч "МИАТ" ХК-ийн үйл ажиллагаатай танилцлаа
Энэ үеэр “МИАТ” ХК-ийн инженерүүд ЗХУ-д үйлдвэрлэсэн “АН-2” онгоцны үндсэн баазыг ашиглан угсарч буй “TBC-2MC” шинэчилсэн загварын агаарын хөлгийг зочдод танилцуулсан юм.
ОХУ-ын Новосибирск хотын захирагч Анатолий Евгеньевич Локоть тэргүүтэй төлөөлөгчид энэ сарын 2-ноос 4-ний өдрүүдэд Улаанбаатар хотноо ажлын айлчлал хийж байна. Айлчлалын хүрээнд Новосибирск хотын Захирагч А.Е.Локоть “МИАТ” ХК-ийн Агаарын хөлгийн засвар үйлчилгээний газарт зочилж, үйл ажиллагаатай танилцлаа. Энэ үеэр “МИАТ” ХК-ийн инженерүүд ЗХУ-д үйлдвэрлэсэн “АН-2” онгоцны үндсэн баазыг ашиглан угсарч буй “TBC-2MC” шинэчилсэн загварын агаарын хөлгийг зочдод танилцуулсан юм. Новосибирск хотын захирагч А.Е.Локоть болон бусад төлөөлөгчид агаарын хөлөг угсрах тал дээр хамтран ажиллах боломж байгаа талаар харилцан санал солилцлоо. Манай улсад угсарч байгаа агаарын хөлөг нь хөөрч буух гүйлтийн зай богино, ашигтай ачааллын жинтэй, түлшний зарцуулалт бага гэх мэт давуу талтай. Энэ онгоцыг эх орондоо угсардаг болчихвол ой хээрийн түймэр, байгалийн гамшиг, ойн хортон шавьжтай тэмцэх, аялал жуулчлал зэрэгт өргөн ашиглах боломжтой гэж албаны хүмүүс үзэж байгаа юм.
Үзсэн: 891
Tweet