Ерөнхийлөгч Х.Баттулга төрөлх сургуулийнхаа талбайд мод тарив
“Хүн бүхэнд цэвэр агаар-Мод бүхэнд ус” уриан дор зохион байгууллаа
Өнгөрсөн амралтын өдрүүдэд бүх нийтээр мод тарих үндэсний өдөр тохиолоо. Уг үйл ажиллагааг “Хүн бүхэнд цэвэр агаар-Мод бүхэнд ус” уриан дор зохион байгуулж, иргэд, аж ахуй нэгжүүд идэвхтэй оролцлоо. Энэ үеэр байгууллага, иргэд 1000 гаруй модонд цэнэг усалгаа хийж улиас, чацаргана, агч гэсэн гурван төрлийн 600 гаруй мод шинээр тарьсан байна. Монгол Улсын Ерөнхийлөгч Х.Баттулга мод тарих үндэсний өдрөөр өөрийн төрөлх Хан-Уул дүүргийн 34 дүгээр сургуулийн орчинд мод тарив. Нийслэлийн Хан-Уул дүүргийн 34-р сургуулийн захирал Р.Өлзийхишиг Монгол Улсын Ерөнхийлөгч Х.Баттулгыг зорин ирж ийнхүү сурагч багш нарыг мод тарих үйлд уриалж байгаад талархал илэрхийллээ.
Үзсэн: 904
Tweet