Монгол Улсын сайд Г.Занданшатар БНСУ-аас Монгол Улсад суугаа Элчин сайд У Суныг хүлээн авч уулзлаа
БНСУ ОУВС-ийн хөтөлбөрийн хүрээнд 500 сая ам.долларын хөнгөлөлттэй зээл олгохоор боллоо.
Монгол Улсын сайд, Засгийн газрын Хэрэг эрхлэх газрын дарга Г.Занданшатар БНСУ-аас Монгол Улсад суугаа Элчин сайд У Суныг хүлээн авч уулзлаа. Ардчилал, хүний эрх, эрх чөлөөг эрхэмлэдэг нийтлэг үнэт зүйлстэй БНСУ-тай найрсаг харилцаа, хамтын ажиллагааг хөгжүүлэх нь Монгол Улсын гадаад бодлогын тэргүүлэх чиглэлийн нэг. Засгийн газар энэ залгамж чанарыг хадгалж Иж бүрэн түншлэлийн харилцааг бүх талаар өргөжүүлэн хөгжүүлэхийн төлөө байна гэдгийг сайд Г.Занданшатар тэмдэглэсэн байна. Мөн тэрээр БНСУ ОУВС-ийн хөтөлбөрийн хүрээнд 500 сая ам.долларын хөнгөлөлттэй зээл олгохоор шийдвэрлэсэнд талархал илэрхийллээ. Монгол Улсын Засгийн газар хууль дээдлэх, авлига, хүнд сурталтай тэмцэх, төрийн албаны бүх шатанд сахилга хариуцлага, дэг журмыг хангах чиглэлээр тууштай ажиллаж байгааг тодотгосон байна. Уулзалтын үеэр Монгол Улсын Ерөнхий сайдын БНСУ-д хийх айлчлал, БНСУ-ын хөнгөлөлттэй зээлээр 10 аймагт дулааны станц байгуулах, “Харгиа” цэвэрлэх байгууламжийг шинэчлэх төслийн хэрэгжилтийг эрчимжүүлэх, улс хоорондын шууд нислэгийн тоог нэмэх зэрэг асуудлаар санал солилцжээ.
Үзсэн: 1315
Tweet