КАНАДЫН МЕРИТ ТӨСӨЛ СҮХБААТАР АЙМАГТ ХЭРЭГЖИНЭ
МЕРИТ Монгол Улсын эдийн засгийг сэргээж, тогтвортой өсөлт бий болгоход хувь нэмрээ оруулах зорилготой
Канад Улсын Гадаад хэргийн яамнаас санхүүжүүлдэг “Монгол Улс, Институцийн өөрчлөлт хийх замаар эрдэс баялгийн менежментийг сайжруулах нь” /МЕРИТ/ төсөл Сүхбаатар аймагт хэрэгжихээр болжээ. Уг төсөл нь олборлох салбарыг үр дүнтэй удирдах чиглэлээр төрийн байгууллагуудын чадавхийг бэхжүүлж, Монгол Улсын эдийн засгийг сэргээж, тогтвортой өсөлт бий болгоход хувь нэмрээ оруулах зорилготой аж. Төсөл дөрвөн аймаг, Улаанбаатар хотын долоон байгууллагад хэрэгжинэ. Канадын төрийн захиргааны институт болон МЕРИТ төслөөс хамтран “Төрийн албаны шинэчлэлийг амжилттай удирдах нь” сэдэвт сургалтыг явуулжээ. Сургалтанд төсөл хэрэгжихээр сонгогдсон аймаг, албан байгууллагуудын удирдлагууд хамрагдсан байна. Төслийн гол үр дүн бол төрийн албан хаагчдын манлайлах чадварыг нэмэгдүүлэх явдал юм.
Үзсэн: 1064
Tweet