ҮАБЗ-ийн нарийн бичгийн дарга А.Гансүх Вьетнам улсад айлчилж байна
Хоёр тал улс төр, аюулгүй байдал, батлан хамгаалахын салбарт ойр дотно хамтын ажиллагааг хөгжүүлэхэд идэвх чармайлт гарган ажиллана.
БНСВУ-ын Нийгмийн аюулгүй байдлын сайд То Ламын урилгаар Монгол Улсын Үндэсний Аюулгүй байдлын зөвлөлийн Нарийн бичгийн дарга А.Гансүх дөрөвдүгээр сарын 2-4-ний өдрүүдэд Вьетнам улсад айлчилж байна.
Айлчлалын хүрээнд, ҮАБЗ-ийн Нарийн бичгийн дарга А.Гансүх Вьетнамын Ерөнхийлөгч Чан Дай Куанг-д бараалхаж, НАБ-ын сайд То Ламтай албан ёсны хэлэлцээ хийлээ. Талууд хоёр улсын хооронд тогтоосон уламжлалт найрсаг харилцааны өнөөгийн хүрсэн түвшинд сэтгэл хангалуун байгаагаа илэрхийлж, цаашид улс төр, аюулгүй байдал, батлан хамгаалахын салбарт ойр дотно хамтын ажиллагааг хөгжүүлэхэд идэвх чармайлт гарган ажиллахаар санал нэгдэв.
Үзсэн: 1188
Tweet