Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 2018-12-13
mongolia

Шинэ мэдээ

Гадаадын иргэний эрх зүйн байдлын хуульд нэмэлт өөрчлөлт оруулах талаар хэлэлцэв


Densmaa 2018-11-27 11:11

Монгол Улсад 630 гаруй хууль хүчин төгөлдөр үйлчилж байгаагаас 120 гаруй хуульд гадаадын иргэн, аж ахуйн нэгж, тэдгээрийн эрх үүрэг, эрхэлж болох үйл ажиллагаа, хориглосон заалтыг хуульчилсан байдаг.

   Монгол Улсад 630 гаруй хууль хүчин төгөлдөр үйлчилж байгаагаас 120 гаруй хуульд гадаадын иргэн, аж ахуйн нэгж, тэдгээрийн эрх үүрэг, эрхэлж болох үйл ажиллагаа, хориглосон заалтыг тусгайлан хуульчилсан. Тэр дундаа гадаадын иргэний эрх зүйн байдлыг тогтоож, гадаадын иргэн Монгол Улсад орох, гарах, дамжин өнгөрөх, оршин суухтай холбогдсон харилцааг зохицуулж буй гол хууль нь Гадаадын иргэний эрх зүйн байдлын тухай хууль юм. Гадаадын иргэн, харьяатын газрын дарга Д.Мөрөн “Гадаадын иргэний эрх зүйн байдлын тухай хуульд нэмэлт, өөрчлөлт оруулах ажлын хүрээнд Гадаадын иргэн, харьяатын газраас Гадаадын иргэдийн шилжилт хөдөлгөөний өнөөгийн чиг хандлага, гадаад шилжилт хөдөлгөөний онолын болон улс орнуудын тэргүүн туршлага судлах, эрдэмтэн судлаачдын дэвшүүлж буй санал санаачилгыг сонсох, хууль тогтоомжийг боловсронгуй болгох хэрэгцээ шаардлагыг тодорхойлж багагүй арга хэмжээг зохион байгуулж байна” хэмээн онцлов.

   Монгол Улсын хууль тогтоомжийг 2020 он хүртэл боловсронгуй болгох Улсын Их Хурлын үндсэн чиглэлд Гадаадын иргэний эрх зүйн байдлын тухай хуульд нэмэлт, өөрчлөлт оруулахаар тусгагдсан юм. Энэ хүрээнд уг хуульд нэмэлт, өөрчлөлт оруулах хэрэгцээ шаардлага бий эсэхийг тодорхойлж хуулийн хэрэгжилтэд өртөж байгаа иргэн, хуулийн этгээдээс санал авч, мэдээлэл цуглуулан Гадаадын иргэний эрх зүйн байдлын тухай хуулийн хэрэгжилтийн үр дагаварт үнэлгээ хийх зорилготой Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай нээлттэй хэлэлцүүлэг Гадаадын иргэн, харьяатын газарт боллоо.

Үзсэн: 52

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна