Сайд Д.Цогтбаатар “Мянганы Сорилтын Корпораци”-ийн ахлах захирлыг хүлээн авч уулзлаа
АНУ-ын Засгийн газраас Монгол Улсад 350 сая америк долларын буцалтгүй тусламж олгохоор шийдсэн.
Гадаад харилцааны сайд Д.Цогтбаатар Мянганы сорилтын корпорацийн Усны асуудал хариуцсан ахлах захирал Кумар Ранганатаныг хүлээн авч уулзжээ. Уулзалтаар талууд Монгол Улс, Мянганы сорилтын корпорацийн компакт гэрээний хүрээнд хэрэгжүүлэх төсөл хөтөлбөр нь Монгол Улсын нийгэм, эдийн засгийн хөгжилд урт хугацаанд нөлөөлөхүйц үр дүнтэй, сайн туршлага болох ёстойг санал нэгтэй тэмдэглэсэн байна. АНУ-ын Засгийн газраас Монгол Улсад 350 сая америк долларын буцалтгүй тусламж олгохоор шийдсэн. Энэхүү хөрөнгөөр Улаанбаатар хотод гүний худаг гаргах, саарал ус боловсруулах үйлдвэр барих зэрэг төсөл хэрэгжүүлэхээр болоод байгаа юм.
Үзсэн: 851
Tweet