“Монголын шилдэг нийтлэл”-ийн 99 дүгээр боть хэвлэгдэн гарлаа

Densmaa 2019-03-25 10:03

Нийгэм

Төрийн шагналт, яруу найрагч О.Дашбалбарын “Мөнхийн бүтээлүүд мөхлийн ирмэг дээр” нийтлэлээс эхлээд СГЗ Ай.Төмөр-Очирын “Адууны тусгаар тогтнол” зэрэг шилдэг бүтээл багтжээ

        Сүхбаатар аймгийн сэтгүүлчдийн "Талын түрлэг" төрийн бус байгууллагаас эрхлэн гаргасан “Монголын шилдэг нийтлэл”-ийн 99 дүгээр боть хэвлэгдэн гарлаа. “Монголын шилдэг нийтлэл” 99 дүгээр ботид Төрийн шагналт, яруу найрагч О.Дашбалбарын “Мөнхийн бүтээлүүд мөхлийн ирмэг дээр” нийтлэлээс эхлээд СГЗ Ай.Төмөр-Очирын “Адууны тусгаар тогтнол”,  Ц.Дашдондовын “Хэвлэл, мэдээллийн хэл найруулгын алдаа мадаг хэтийдлээ”, Г.Мэнд-Ооёогийн “Нутаг сэлгэх хунгийн энэлэн буюу Дарьгангын дууль” зэрэг шилдэг бүтээл багтжээ. Мөн сэтгүүлч, улстөрч Т.Гандигийн “Аавын нутгийг эргэхүй”, сэтгүүлч С.Амартайван, Г.Ариунчулуун, Г.Баатарнум, Б.Номин нарын 40 гаруй уран бүтээлчийн “Уулын тунгалаг голуудаар умдаалсан тэмдэглэл”, “Улаанбаатар хот хэмээх “Нинжа”-гийн сургууль”, “Өмнөд Суданы өнгөт бус амьдрал”, “Үүлийн үйлийн үр” зэрэг бүтээл багтсан байна.