Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 23,24-08-2019
mongolia

Шинэ мэдээ

Хоёр талын прокурорын байгууллага хамтын ажиллагаагаа сайжруулах асуудлыг ярилцлаа


Densmaa 2019-08-05 11:08

Уулзалтыг хоёр талаас Монгол-Америкийн прокурорын байгууллагын хамтын ажиллагааг шинэ шатанд гаргахуйц үр дүнтэй боллоо хэмээн дүгнэлээ

     АНУ-д айлчилж буй Монгол Улсын Ерөнхийлөгч Х.Баттулгад тус улсын Хууль зүйн сайд бөгөөд Ерөнхий прокурор Уилльям Барр бараалхав. Уулзалтын эхэнд хоёр талын прокурорын байгууллага хамтын ажиллагаагаа сайжруулах асуудлыг ярилцлаа. Мөн НҮБ-ын Авлигын эсрэг конвенцийн хүрээнд оффшор дансан дахь мөнгө, авлигын мөнгөөр худалдан авсан АНУ дахь үл хөдлөх, хөдлөх хөрөнгийг илрүүлэх, Монгол Улсад шилжүүлэхэд дэмжлэг үзүүлнэ гэдгээ АНУ-ын талаас илэрхийлэв. Уулзалтыг хоёр талаас Монгол-Америкийн прокурорын байгууллагын хамтын ажиллагааг шинэ шатанд гаргахуйц үр дүнтэй боллоо хэмээн дүгнэлээ. Мөн АНУ-ын Хууль зүйн сайд бөгөөд Ерөнхий прокурор Уилльям Баррыг Монгол Улсад айлчлахыг урьсан юм. Монгол Улсын Ерөнхийлөгч Х.Баттулгыг АНУ-ын Сансар судлал ба сансрын удирдлагын газарт зочлох үеэр тус газрын дарга Ж.Брайданстан бараалхлаа. Энэ үеэр Монгол Улсын Ерөнхийлөгч Х.Баттулга 1981 оны гуравдугаар сарын 22-ны өдөр Монгол Улсын иргэн Ж.Гүррагчаа Союз хөлгөөр сансарт ниссэн түүхэн үйл явдлыг дурсан ярьж, монгол эмэгтэйг сансрын нисэгчээр “NASA”-д сургах, хамтран ажиллах хүсэлтэй буйгаа илэрхийлсэн юм. Мөн одон орон, геофизикийн чиглэлээр “NASA”-тай хамтран ажиллах өргөн боломжтойг онцоллоо.  

Үзсэн: 116

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна