Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 15-05-2024
Монгол

Шинэ мэдээ

Үндэсний ассамблейн дарга Вангчук Намгъялд бараалхлаа


Densmaa 2024-06-14 12:06

Элчин сайд Д.Ганболд Монгол, Бутан хоёр улс нь түүх, уламжлал, соёл, шашин шүтлэг, амьдралын хэв маягийн хувьд нийтлэг ижил төстэй талуудтай болохыг онцлон тэмдэглэв

      Монгол Улсаас Бутан улсад суугаа Элчин сайд Д.Ганболд төлөөлөгчдийн хамтаар тус улсын Үндэсний ассамблейн дарга Вангчук Намгъялд бараалхлаа. Үндэсний ассамблейн дарга Монгол Улсын Элчин сайд болон төлөөлөгчдийг халуун дотноор хүлээн авч, Бутаны оюутнууд уламжлалт анагаах ухааны чиглэлээр суралцахад тэтгэлэг олгож, мал аж ахуйн салбарт дэмжлэг үзүүлж байгаад Монгол Улсад талархал илэрхийлэв. Элчин сайд Д.Ганболд Монгол, Бутан хоёр улс нь түүх, уламжлал, соёл, шашин шүтлэг, амьдралын хэв маягийн хувьд нийтлэг ижил төстэй талуудтай болохыг онцлон тэмдэглэв. Тэрбээр хоёр орны харилцааг цаашид өргөжүүлэн хөгжүүлэх хүсэлтэй байгаагаа илэрхийлж, харилцан суралцаж, хамтран ажиллах боломжтойг онцоллоо. Уулзалтын үеэр дипломат харилцааг бэхжүүлэх, хоёр улсын парламент хооронд үзэл санаа, мэдлэг туршлага солилцох зэргээр хамтын ажиллагааг өргөжүүлэх арга замыг тодорхойлох талаар санал солилцов. Хоёр тал илүү бат бөх түншлэлийн харилцааг хөгжүүлэхийн төлөө байгаагаа дахин нотлов.

Үзсэн: 4937

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна