Дэлхийн эрүүл мэндийн ассамблейн 78 дугаар чуулган Швейцарын Женев хотноо болж байна
Элчин сайд Д.Гэрэлмаа "Дэлхий нийтийг хамарсан цар тахал, уур амьсгалын өөрчлөлт зэрэг эрүүл мэндийн сорилтыг хамтын хүчин чармайлтаар шийдвэрлэхийн" чухлыг онцлон тэмдэглэв
Дэлхийн эрүүл мэндийн ассамблейн 78 дугаар чуулган Швейцарын Женев хотод “Эрүүл мэндийн төлөөх нэг дэлхий” сэдвийн дор чуулж байна. Манай улсаас Байнгын төлөөлөгч, Элчин сайд Д.Гэрэлмаа тэргүүтэй төлөөлөгчид оролцож, дэлхий нийтийг хамарсан цар тахал, уур амьсгалын өөрчлөлт зэрэг эрүүл мэндийн сорилтыг хамтын хүчин чармайлтаар шийдвэрлэхийн чухлыг онцлон тэмдэглэв. Элчин сайд Д.Гэрэлмаа, Монгол Улсын Засгийн газар хүн бүрийн эрүүл мэнд, сайн сайхан байдлыг хангахад тууштай анхаарч буйг дахин нотолж, эрүүл мэндийн тогтолцоогоо Тогтвортой хөгжлийн зорилгод нийцүүлэн бэхжүүлэх эрмэлзэлтэй байгааг илэрхийлжээ. Дэлхийн эрүүл мэндийн ассамблейн 78 дугаар чуулганаар гишүүн улсууд олон улсын тогтолцоо, цар тахлын бэлэн байдал, чадавхыг бэхжүүлэх, уур амьсгалын өөрчлөлт, зэвсэгт мөргөлдөөн зэрэг олон хүчин зүйлийн эрүүл мэндэд үзүүлэх сөрөг нөлөөллийг бууруулахад чиглэсэн хамтын ажиллагааг уялдуулах асуудлыг хэлэлцэх юм.
Үзсэн: 1746
Tweet