НҮБ-ын цагдаагийн зөвлөх, комиссар Файзал Шахкарыг хүлээн авч уулзлаа
Монгол Улсаас энхийг сахиулах ажиллагаанд цагдаагийн баг бүрэлдэхүүн оролцуулах, цаашдын хамтын ажиллагааг өргөжүүлэхэд бүх талаар дэмжлэг үзүүлэхээ илэрхийлэв
Гадаад харилцааны яамны Төрийн нарийн бичгийн дарга Л.Мөнхтүшиг НҮБ-ын цагдаагийн зөвлөх, комиссар Файзал Шахкарыг хүлээн авч уулзлаа. Төрийн нарийн бичгийн дарга Л.Мөнхтүшиг Монгол Улс НҮБ-ын Энхийг сахиулах ажиллагаанд идэвхтэй оролцохын зэрэгцээ эмэгтэй энхийг сахиулагчдын тоог нэмэгдүүлэх зорилт тавин ажиллаж байгааг онцолж, цаашид цагдаагийн баг бүрэлдэхүүн оролцуулах бэлтгэлийг хангах асуудлаар НҮБ-ын Цагдаагийн хэлтэстэй хамтран ажиллах хүсэлтэй буйгаа илэрхийлэв. НҮБ-ын цагдаагийн зөвлөх, цагдаагийн комиссар Файзал Шахкар Монгол Улсаас энхийг сахиулах ажиллагаанд цагдаагийн баг бүрэлдэхүүн оролцуулах, цаашдын хамтын ажиллагааг өргөжүүлэхэд бүх талаар дэмжлэг үзүүлэхээ илэрхийлэв.
Үзсэн: 4384
Tweet