Цээж тооллын дэлхийн аваргын тэмцээнд манай улсын сурагчид амжилттай оролцож эх орондоо ирлээ
Оюун ухаан, уйгагүй хөдөлмөр, тууштай бэлтгэлийнхээ үр дүнд дэлхийн тавцанд эх орныхоо нэрийг өндөрт өргөсөн эдгээр тамирчин “Toya” хүүхэд хөгжлийн академид харьяалагддаг
АНУ-ын Лос-Анжелес хотноо зохион байгуулсан Цээж тооллын дэлхийн аваргын тэмцээнд Монгол Улсаас 7-15 насны 28 сурагч амжилттай оролцож эх орондоо ирлээ. Насанд хүрэгчдийн ангилалд нийслэлийн 1-р сургуулийн 10 дугаар ангийн сурагч Ч.Тэргэлдүүрэн “Grand champion”, Өвөрхангай аймгийн “Мэргэд" цогцолборын 8 дугаар ангийн сурагч Э.Наранбат “Дэлхийн аварга” болжээ. Мөн гурван алт, гурван мөнгө, хоёр хүрэл, 12 алтан цом хүртсэн байна. Оюун ухаан, уйгагүй хөдөлмөр, тууштай бэлтгэлийнхээ үр дүнд дэлхийн тавцанд эх орныхоо нэрийг өндөрт өргөсөн эдгээр тамирчин “Toya” хүүхэд хөгжлийн академид харьяалагддаг. Тус академи Гүрж улсын Тбилиси хотод болсон 27 дахь удаагийн дэлхийн аварга шалгаруулах тэмцээнд 64 сурагч бэлтгэн оролцож, бүх сурагч медалийн эзэд болжээ.
Үзсэн: 14
Tweet