Өвлийн Олимпын XXV наадам өндөрлөлөө
Түүхэн тоглолтын ялагч, аваргуудад ОУОХ-ын хорооны гишүүн, МҮОХ-ны ерөнхийлөгч Б.Баттүшиг шагнал гардуулсан юм
Өвлийн Олимпын XXV наадам энэ сарын 6-наас 22-ны өдрүүдэд Итали улсын Милан болон Кортина-д’Ампеццо хотод зохион байгуулагдаж хоккейн тэмцээнээр өндөрлөлөө. Олимпын наадмын хоккейн төрлийн аваргын алтан медалийн төлөө АНУ, Канадын шигшээ баг тамирчид өрсөлдөж 1960,1980 оны олимпын наадмын аварга америкчууд 2:1 ээр ялж 46 жилийн дараа аварга цолоо эргүүлэн авав. Түүхэн тоглолтын ялагч, аваргуудад ОУОХ-ын хорооны гишүүн, МҮОХ-ны ерөнхийлөгч Б.Баттүшиг шагнал гардуулсан юм. Сонирхуулахад АНУ-ын хоккейн шигшээ баг 1980 оны хоёрдугаар сарын 22-нд олимпын наадмын түүхэн хоёр дахь алтан медалиа хүртэж байсан бол 46 жилийн дараа буюу 2026 оны хоёрдугаар сарын 22-нд гурав дахь алтан медалиа хүртэж байна.
Үзсэн: 1391
Tweet