"Дэлхийн коксжих нүүрсний нөөц ба зах зээл" олон улсын чуулга уулзалт боллоо
Чуулга уулзалтыг зохион байгуулагч Fenwei Energy Information Technology компани Монгол нүүрс ассоциаци болон “Coal Mongolia-2017” чуулгантай хамтран ажиллах болов.
"Дэлхийн коксжих нүүрсний нөөц ба зах зээл" олон улсын чуулга уулзалтыг Бээжин хотод долоо дахь удаагаа зохион байгууллаа.
Чуулганд “Эрдэнэс Таван толгой” ХК, МАК, МонЭнко зэрэг Монголын томоохон нүүрс экспортлогч компаниудын төлөөлөл оролцсон юм. Тус чуулганыг Хятадын нүүрсний үнэ ханш, худалдааны мэдээллийн хамгийн том цахим хуудсыг эрхлэн явуулдаг Fenwei Energy компани зохион байгуулдаг. Тус компани Монгол нүүрс ассоциаци болон “Coal Mongolia-2017” чуулгантай хамтран ажиллах, гурван талт гэрээнд гарын үсэг зуржээ.
Ингэснээр “Coal Mongolia-2017” нүүрсний салбарын олон улсын чуулга уулзалт, үзэсгэлэнг өндөр түвшинд зохион байгуулж, нүүрсний экспорт, худалдаа, тээвэр ложистикийг идэвхижүүлэх чиглэлд хамтран ажиллах юм.
Үзсэн: 1378
Tweet