Нүүрсний экспорт түүхэнд дээд хэмжээнд хүрсэн энэ үед “Coal Mongolia-2018” болох гэж байна
Азийн зах зээлд Монголын нүүрсний салбарын өрсөлдөх чадварыг бэхжүүлэхэд “Coal Mongolia” чуулга уулзалтын зорилго оршдог.
Нүүрсний салбарын худалдаа, хөрөнгө оруулалтын олон улсын “Coal Mongolia-2018” чуулга уулзалт, үзэсгэлэн ирэх сарын 4,5-нд болох гэж байна. Жилээс жилд ач холбогдол нь нэмэгдэж, оролцогчдын цар хүрээ нь тэлж байгаа энэхүү чуулга уулзалт гадаад, дотоодын хөрөнгө оруулагчдын анхаарлын төвд байж ирсэн. Монгол Улсын нүүрсний салбарт хөрөнгө оруулалт татах, шинэ техник технологи нэвтрүүлэх, нүүрсний экспорт, худалдаа, тээвэр ложистикийг сайжруулах, улмаар Азийн зах зээлд Монголын нүүрсний салбарын өрсөлдөх чадварыг бэхжүүлэхэд “Coal Mongolia” чуулга уулзалтын зорилго оршдог. Хоёр өдрийн турш үргэлжлэх ээлжит чуулга уулзалт “Технологийн дэвшилд хамтдаа” уриан дор зохион байгуулагдах юм.
Үзсэн: 1214
Tweet