Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 23-07-2019
mongolia

Шинэ мэдээ

Ч.Хүрэлбаатар: Төсвийн орлого анх удаа 10 их наяд төгрөг давлаа


Densmaa 2019-01-15 11:01

2018 онд Монгол Улсын зээлжих зэрэглэлийг өсгөсөн нь манай улсад орж ирэх хөрөнгө оруулалт, гадаад, дотоодын байгууллагуудын гадаад харилцаа, дотоод итгэл нэмэгдэхэд нөлөөлсөн.

   Монгол Улсын нэгдсэн төсвийн орлого түүхэндээ анх удаа 10 их наяд төгрөгөөс давлаа. Сангийн сайд Ч.Хүрэлбаатар “Манай улсын төсвийн тэнцвэржүүлсэн тэнцэл 2012 оноос хойш анх удаа 12 тэрбум төгрөгийн ашигтай гарч байна” гэв. Үүнд эдийн засаг идэвхжиж, өссөнтэй холбоотойгоор хөрөнгө оруулалт, ААН-үүдийн үйл ажиллагаа сэргэж эдийн засагт оруулж буй хувь хэмжээ нэмэгдсэн, Засгийн газраас явуулж буй бодлогод итгэх итгэл дээшилсэн зэрэг хүчин зүйл голлон нөлөөлө. Өөрөөр хэлбэл, төсвийн орлогын 30 хувийг уул уурхайн экспорт, эдийн засгийн идэвхжил бүхий бусад хүчин зүйл 70 хувийг эзэлж байна. Манай улсын зээлжих зэрэг нэмэгдсэн нь төсөв ашигтай гарахад нөлөөлсөн бас нэг гол хүчин зүйл байв. Яагаад гэвэл, олон улсын хөндлөнгийн байгууллагууд зээлжих зэрэглэлийг үнэлэхдээ, Монгол Улсын эдийн засгийн бодлого хэр зөв, эдийн засгийн үндсэн үзүүлэлтүүд, түүний харьцаа ямар байгаа, цаашид ямар бодлого хэрэгжүүлэх гэж байгааг шинждэг. Зээлжих зэрэглэлд үнэлгээ өгдөг “Мүүдс”, “Фитч”, “Стандарт пүүрс” зэрэг олон улсын байгууллагууд бүгд 2018 онд Монгол Улсын зээлжих зэрэглэлийг өсгөсөн нь манай улсад орж ирэх хөрөнгө оруулалт, гадаад, дотоодын байгууллагуудын гадаад харилцаа, дотоод итгэл нэмэгдэхэд нөлөөлснийг Сангийн сайд хэллээ.

Үзсэн: 238

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна