Биднийг дагаарай:
Хэл солих: Mongolian (Cyrillic)

Хэл солих:

Нэвтрүүлэг 21-07-2019
mongolia

Шинэ мэдээ

Хүнсний бүтээгдэхүүн боловсруулах хамтарсан үйлдвэр байгуулахаар ярилцав


Densmaa 2019-07-03 10:07

Монголын бараа, бүтээгдэхүүнийг тус улсын зах зээлд гаргах зэрэг хоёр талын худалдаа, эдийн засгийн хамтын ажиллагааг нэмэх өргөн боломж байгааг дурдав

     Гадаад харилцааны сайд Д.Цогтбаатар Бүгд Найрамдах Беларусь Улсын Аж үйлдвэрийн сайд, Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын Беларусийн хэсгийн дарга П.В.Утюпин тэргүүтэй төлөөлөгчдийг хүлээн авч уулзав. Сайд Д.Цогтбаатар хүнсний бүтээгдэхүүн боловсруулах хамтарсан үйлдвэр байгуулж, хөрш орнуудын зах зээлд нийлүүлэх, Беларусиас машин техник худалдан авахын зэрэгцээ Монголын бараа, бүтээгдэхүүнийг тус улсын зах зээлд гаргах зэрэг хоёр талын худалдаа, эдийн засгийн хамтын ажиллагааг нэмэх өргөн боломж байгааг дурдав. Беларусийн Аж үйлдвэрийн сайд П.П.Утюпин хоёр орны Засгийн газрын хооронд гарын үсэг зурсан Экспортын зээлийн Ерөнхий хэлэлцээрийг Монголын тал соёрхон баталмагц онцгой байдал, хөдөө аж ахуй, зам тээврийн болон бусад салбарт яригдаж буй төслүүдийг даруй хэрэгжүүлж эхлэхийн чухлыг тэмдэглээд хоёр талын дээд, өндөр хэмжээний харилцан айлчлалыг үргэлжлүүлэх сонирхолтой байгаагаа илэрхийлэв.

 

Үзсэн: 108

Сэтгэгдлүүд


account_circle
email
mode_edit

Сэтгэгдэл (0)

Энэ мэдээнд одоогоор сэтгэгдэл алга байна