Монгол залуус шинэ үйлчилгээ нэвтрүүлжээ
Аялах дуртай залуус БНХАУ-ын 28 авиа компаний дотоод нислэгийг шууд захиалах боломжтой систем нэвтрүүлсэн аж.
Манай улсын мэдээллийн технологийн салбар сүүлийн жилүүдэд хурдацтай хөгжиж байгаа. Монгол залуус технологийн шийдлийг ашиглан иргэдийн цаг зав, хөрөнгө санхүүг хэмнэх нэгэн шинэ үйлчилгээ нэвтрүүлжээ. Аялах дуртай залуус хамтран БНХАУ-ын 28 авиа компаний дотоод нислэгийг шууд захиалах боломжтой систем нэвтрүүлсэн аж. Өөрөөр хэлбэл ямар нэгэн зуучлагч болон завсрын борлуулагч шаардлагагүйгээр вэб сайтаар шууд захиалах боломжтой болж байгаагаараа онцлог юм. Цаашид бид хиймэл оюун ухаанд суурилсан аялалын төлөвлөгөө гаргаж өгдөг байхаар хөгжүүлэхийг зорьж гэж залуус ярьж байна. Жишээ: Герман руу хамгийн хямд нөхцлөөр явахыг хүсэж байна гэхэд систем автоматаар боловсруулалт хийн аялал төлөвлөгөө гаргаж өгөх юм. Энэ нь аялж байгаа хүмүүст их хэрэгтэй зүйл гэлээ.
Үзсэн: 1124
Tweet