Ховд аймгийн Мянгад сумын нутаг дэвсгэрээс археологийн шинэ олдворууд илрүүлжээ
Онцлоход, нум сумын тухайд өвөрмөц хийцтэй. Нумыг хийхдээ хус мод, янгирын эвэр ашигласан байна
Ховд аймгийн Мянгад сумын нутаг дэвсгэрээс археологийн шинэ олдворууд илрүүлжээ. Тодруулбал, "Монгол алтайн бүс нутгийн ард түмний түүх, соёл, аялгуу, аман зохиолын судалгаа-1" төслийн санхүүжилтээр "Ямаатын хадны оршуулга", "Гонгорын өвөлжөөний булш" гэх хоёр цэгт судалгаа хийсэн аж. Энэ үеэр хүн судлалын хэрэглэгдэхүүн, ховор нум сум, даавуун эдлэл, ваар, хутганы үлдэгдэл, гурван ширхэг ясан сувсан зүүлт зэрэг олдвор илрүүлсэн байна. Онцлоход, нум сумын тухайд өвөрмөц хийцтэй. Нумыг хийхдээ хус мод, янгирын эвэр ашигласан байна. Үүнийг нарийн зүсэж наах явцад үзүүр хэсэгт утсаар ороож бэхэлжээ. Мөн нумны хөвчийг адууны сүүлээр хийсэн байна. Түүнчлэн ясан сувсийг хийхдээ бага малын яс ашигласан. Ясыг дундуур нь сүвлэж зүүх зориулалтаар хийжээ гэж судлаачид онцоллоо.
Үзсэн: 967
Tweet