Далайд гарцгүй хөгжиж буй улсуудын Женев дэх Элчин сайд нарын уулзалтыг удирдан зохион байгуулав
Монгол Улс 2020-2021 онд далайд гарцгүй хөгжиж буй улсуудын Женев дэх зохицуулагчаар сонгогдон ажиллаж байна
Монгол Улсаас НҮБ-ын Женев дэх төв болон олон улсын бусад байгууллагын дэргэд суугаа Байнгын төлөөлөгч, Элчин сайд Л.Пүрэвсүрэн Далайд гарцгүй хөгжиж буй улсуудын Женев дэх Элчин сайд нарын уулзалтыг удирдан зохион байгуулав. Дэлхийд өдгөө далайд гарцгүй 50 орчим улс байгаагийн 32 нь далайд гарцгүй хөгжиж буй улс ба түүнээс 26 нь Дэлхийн худалдааны байгууллагын гишүүн юм. Монгол Улс 2020-2021 онд далайд гарцгүй хөгжиж буй улсуудын Женев дэх зохицуулагчаар сонгогдон ажиллаж байна. Далайд гарцгүй хөгжиж буй улсуудын тухайд далайн боомтоос хол оршдог, олон улсын зах зээлээс алслагдмал, гадаад худалдааны зардал өндөр, транзит улсаас хамаарал ихтэй зэрэг тулгамдсан асуудалтай юм. Элчин сайд Л.Пүрэвсүрэн дээрх уулзалтаар Далайд гарцгүй хөгжиж буй улсуудын Олон улсын судалгааны төвийг Улаанбаатар хотноо байгуулах тухай олон талт хэлэлцээрт нэгдэн орохыг уриалав.
Үзсэн: 1170
Tweet