Japan Airlines (JAL) компанийн анхны нислэг монголд
Анхны нислэгээр 128 япон жуулчин Монгол Улсад ирсэн байна
Japan Airlines (JAL) компанийн Токио-Улаанбаатар чиглэлийн анхны нислэг Чингис хаан Олон улсын нисэх буудалд буулаа. Анхны нислэгээр 128 япон жуулчин Монгол Улсад ирсэн байна. "Чингис хаан нисэх буудал бол Монгол, Япон хоорондын энх тайвны бэлгэдэл, хоёр улсын хамтын бүтээн байгуулалтаар бий болсон шинэ нисэх буудал. Энэ нисэх буудалд Японы томоохон авиа компани нислэг үйлдэж байгаа нь өөрөө ихээхэн давуу тал бөгөөд олон улсад хүрээгээ тэлэх эхлэл гэж харж байна” хэмээн “Чингис хаан” ОУНБ-ын газрын үйлчилгээний дарга Ямазава Ёшиюки хэллээ. Нислэгийн тоог нэмэх, японоос ирэх жуулчдад мэдээ, мэдээлэл өгөх ажил зохион байгуулах бөгөөд ирсэн жуулчдад эерэг сэтгэгдэл төрүүлэн угтах, үдэх ажлыг бүх л шатанд зохион байгуулан хамтран ажиллахад анхаарч байна гэлээ.
Үзсэн: 919
Tweet