Хөвсгөл аймгийн тамирчин ОУХМ Ц.Отгондалай дэлхийн гурван удаагийн аварга боллоо
ОУХМ Ц.Отгондалай -93 кг-д 205 кг шахаж алтан медалийн эзэн боллоо
Норвегийн Хаант Улсын Драммен хотноо болж буй пауэрлифтингийн дэлхийн аварга шалгаруулах тэмцээний мастер 1 ангилалд Хөвсгөл аймгийн тамирчин ОУХМ Ц.Отгондалай түрүүлж дэлхийн гурван удаагийн аварга боллоо. Тэрбээр -93 кг-д 205 кг шахаж алтан медалийн эзэн боллоо. Ц.Отгондалай 2006 оноос хэвтээ шахалтын спортоор хичээллэж 2022 онд Бүгд Найрамдах Казахстан Улсад болсон пауэрлифтингийн дэлхийн аварга шалгаруулах тэмцээнд классик хэвтээ шахалтын -93 кг-д 205 кг шахаж дэлхийн аварга болж байсан юм. Мөн өнгөрсөн онд АНУ-ын Техас мужийн Остин хотод зохион байгуулсан пауэрлифтингийн дэлхийн аварга шалгаруулах тэмцээнд классик хэвтээ шахалтын -93 кг-д түрүүлж дэлхийн хошой аварга болжээ.
Үзсэн: 1392
Tweet