Азийн аварга шалгаруулах тэмцээн БНХАУ-ын ӨМӨЗО-ы Ордос хотод болж байна
Манай улсаас эмэгтэйчүүдийн 48 кг-ын жинд ОУХМ Ж.Анударь Казахстан, Вьетнам, Энэтхэг, Узбекистаны бөхийг дараалан ялснаар алтан медалийн эзэн боллоо
Жүдо бөхийн насанд хүрэгчдийн Азийн аварга шалгаруулах тэмцээн БНХАУ-ын ӨМӨЗО-ы Ордос хотод болж байна. Тэмцээний эхний өдөр эмэгтэйчүүдийн 48, 52, эрэгтэйчүүдийн 60, 66 кг-ын жингийн медальтнууд тодорлоо. Манай улсаас эмэгтэйчүүдийн 48 кг-ын жинд ОУХМ Ж.Анударь Казахстан, Вьетнам, Энэтхэг, Узбекистаны бөхийг дараалан ялснаар алтан медалийн эзэн боллоо. Түүний хувьд Монголын эмэгтэй жүдочдоос ААШТ-ий 13 дахь алтан медалийг эх орондоо авчирч байгаа нь энэ. Өдгөө 19 настай тэрбээр тивийн аваргад түрүүлсэн хамгийн залуу жүдоч болж байна. Харин 52 кг-д “С” хэсгийг тэргүүлэн барилдсан М.Нандин-Эрдэнэ эхний тойрогт хийлж, улмаар Япон, Тажикстан, шигшээд Узбекистаны бөхийг тус тус өвдөг шороодуулснаар манай эмэгтэй жүдочдын 14 дэх алтан медалийг авч, төрийн дууллаа Ордос хотод дахин эгшиглүүллээ.
Үзсэн: 2234
Tweet