Жүдо бөхийн залуучуудын ДАШТ-ээс Монголын тамирчин Т.Ариунзаяа алтан медаль хүртлээ
"Гүрү дожо" дэвжээний тамирчин Т.Ариунзаяа 2024 онд өсвөрийн ДАШТ-д, 2026 онд залуучуудын ДАШТ-д түрүүлснээр хоёр насны ангилалд алтан медаль хүртсэн Монголын анхны жүдоч болж шинэ түүх бичлээ
Узбекистаны нийслэл Ташкент хотод эхэлсэн жүдо бөхийн залуучуудын ДАШТ-ээс Монголын тамирчин Т.Ариунзаяа алтан медаль хүртлээ. Тэмцээний эхний өдрийн таван жингийн барилдаанд манай найман бөх дэвжээнд гарснаас эмэгтэйчүүдийн 57 кг-ын жинд олон улсын хэмжээний мастер Т.Ариунзаяа алтан медалиар энгэрээ мялааж, төрийн дууллаа эгшиглүүллээ. "Гүрү Дожо" дэвжээний тамирчин Т.Ариунзаяа 2024 онд өсвөрийн ДАШТ-д, 2026 онд залуучуудын ДАШТ-д түрүүлснээр хоёр насны ангилалд алтан медаль хүртсэн Монголын анхны жүдоч болж шинэ түүх бичлээ. Түүнчлэн залуучуудын ДАШТ-ээс алтан медаль хүртсэн гурав дахь жүдоч болж байна. Мөн 2019 оноос хойш тасраад байсан залуучуудын ДАШТ-ий медалийг алтаар буухиалав.
Үзсэн: 571
Tweet